Gaya Basa Dina Carpon

1)     Mikawanoh gaya basa

Gaya basa dina basa Indonesia mah disebatna gaya bahasa atawa diistilahkeun ku majas. Bahasa inggrisna mah style.

Gaya basa teh nyaeta rakitan basa anu dipake ku panyatur sangkan ngahudang pangaruh (efek) anu leleb karasana ka pamiarsa (Yayat Sudaryat : kamus istilah elmuning basa).

2)    Jenis – jenis gaya basa

Gaya basa teh seueur pisan jenisna lamun urang ngaguar mah. Dihandap ieu aya sababaraha gaya basa nu diguar jeung dipikawanoh ku umum, diantarana;

a)     Gaya basa rarahulan, nyaeta gaya basa anu nuduhkeun hiji hal sacara kaleuleuwih.

Conto : Manehna ceurik getih basa ngadenge indungna maot.

b)     Gaya basa ebrehan, nyaeta gaya basa anu ngebrehkeun gawe, guna, atawa kaayaan hiji barang tapi barang anu dimaksudna mah barang anu kaancikan ku gawe atawa kaayaan eta.

Conto : Si Aki geus nepi ka hanteunna.

c)      Gaya basa ngupamakeun, nyaeta ngabandingkeun hiji barang jeung barang sejenna kalawan nembrak. Ilaharna sok make kecap ibarat, lir, asa, jst.

Conto : Pangawulang nu diajarkeun lir cai dina daun taleus.

d)     Gaya basa lalandian, nyaeta gaya basa nu ngebrehkeun hiji hal ngaliwatan babandingan ku cara mere panglandi.

Conto : W. S. Rendra teh katelah ku Si Burung Merak.

e)     Gaya basa kadalon, nyaeta gaya basa nu ngagunakeun kecap-kecap pikeun ngebrehkeun maksud nu leuwih ti mistina.

Conto : Ngajleng ka luhur!

f)       Gaya basa ngasor, nyaeta gaya basa anu dipake pikeun ngahandapkeun maneh miboga maksud ngahormat jalma anu diajak nyarita.

Conto : Hayu atuh linggih heula ka saung butut abdi ka palih dieu.

g)     Gaya basa rawutan, nyaeta gaya basa nu dimaksudkeun pikeun ngalemeskeun kecap

Conto : Punten nyariosna rada bedas we, abdi teh kirang dang