Kakawihan Dina Kaulinan Barudak Sunda Baheula

KAKAWIHAN DINA KAULINAN BARUDAK

(1)              Jaleuleuja

Jaleuleuja

Tulak tuja eman gong

Seureun leuweung bay

Jambe kolot bug

Ucing katinggang songsong ngek

(2)             Surser

Surser surser

Angeun aing acan asak

Disuluhan ku kaliki

Kaliki meunang meulahan

Meulahan ku peso raut

Peso raut eukeur neukteuk

Mekel laja saboboko

Eur-eur naek bahuna

Eur-eur naek bahuna

(3)             Cingciripit

Cingciripit

Tulang bajing kacapit

Kacapit ku bulu pare

Bulu pare seuseukeutan

Jol Pa Dalang

Mawa wayang jekjeknong

(4)            Ucing Merengok

Ucing merengok

Bolobog cau

Nu ucingna ngok-ngok

Ngok-ngokna laun           

(5)             Trang-Trang Kolentrang

Trang trang kolentrang

Si londok paeh nundutan

Tikusruk kana durukan

Mesat gobang kabuyutan

Nyeh prot nyeh prot

Nya nyereh nya kemprot

Cek cek burinong bencrung

Patucek tingklung

Cek cek burinong benclung

Paciut sarean

Tat tit tut daun sampeu

Saha nu hitut eta nu ngambeu

Dibawa ka saung butut

Balik-balik ngabeledut

(6)            Ambil-ambilan

Ambil-ambilan

Turuktuk hayam samantuk

Saha nu diambil

Kami mah teu boga incu

Aya ge anak pahatu

Pahatu ge daek

Purah nutu purah ngejo

Purah ngasakan baligo

Nyerieun sukuna

Kacugak ku kaliage

Aya ubarna

Urat gunting campurage

Digunting nyocolan dage

(7)             Ayang-ayang gung

Ayang – ayang gung

Gung goongna rame

Menak Ki Mas Tanu

Nu jadi wadana

Naha maneh kitu

Tukang olo-olo

Loba anu giruk

Ruket jeung kompeni

Niat jadi pangkat

Katon kagorengan

Nganjuk kanjeng dalem

Lempa lempi lempung

Ngadu pipi jeung nu ompong

Jalan ka Batawi ngemplong

(8)            Eundeuk-eudeukan

Eundeuk-eundeukan

Lagoni meunang peucang

Sahiji lepas deui

Ku nini beunang deui

Ku aki

Eureuleuk jagong ngora

Upami sareng doger

Euleuh-euleuh bapa miwah

Meuleum bugis diteukteukan

(Ulang pada kadua)

Cing gobang gocing

Cabe beureum lada

Cing urang naksir

Baju beureum saha

(Ulang pada katilu)

Tilir tur celeno

Sae rasa jagong

Dihudeng terus ka kolong

Diteang karek sapotong

(Ulang pada kaopat)

(9)            Oray-orayan

Oray-orayan

Oray naon

Oray bungkak

Bungkak naon

Bungkak lauk

Lauk naon

Lauk tipan

Tipan naon

Tipandeririririririririri

Oray-orayan

Luar leor mapay sawah

Tong ka sawah

Parena keur seudeung beukah

Oray-orayan

Luas leos ka kebon

Tong ka kebon

Di kebon loba nu ngangon

Mending ka leuwi

Di leuwi loba nu mandi

Saha anu mandi

Anu mandina panderi